Aadhaar card safety: तुमचं आधार कार्ड सुरक्षित आहे का? मिनिटांत जाणून घ्या!

Aadhaar Safety Tips: आजच्या डिजिटल युगात आधार कार्ड हे एक महत्त्वाचे ओळखपत्र बनले आहे. सरकारी आणि खासगी सेवांसाठी ते आवश्यक असून, त्याचा वापर बँकिंग, प्रवास, मोबाईल सिम, आणि सरकारी योजनांसाठी मोठ्या प्रमाणावर होतो. मात्र, आधारचा वाढता वापर फसवणूक करणाऱ्यांसाठीही संधी निर्माण करतो. त्यामुळे आपलं आधार कार्ड सुरक्षित ठेवणं आणि त्याचा गैरवापर होत नाही याची खात्री करणे अत्यंत महत्त्वाचे आहे.

UIDAI (Unique Identification Authority of India) ने यासाठी “Authentication History” हे साधन उपलब्ध करून दिले आहे, ज्याद्वारे तुम्ही तुमच्या आधार क्रमांकाचा वापर कसा झाला आहे हे तपासू शकता. जर अनधिकृत व्यवहार आढळले, तर त्यावर त्वरित कारवाई करता येते. चला जाणून घेऊया आधार सुरक्षेसाठी कोणत्या खबरदारी घ्याव्यात.

आधार क्रमांकाचा वापर कसा तपासावा?

UIDAI च्या “Authentication History” साधनाचा वापर करून तुम्ही आधार क्रमांकाची तपासणी करू शकता.

१. myAadhaar पोर्टलला भेट द्या – सर्वप्रथम UIDAI च्या अधिकृत myAadhaar पोर्टलवर जा.
२. OTP द्वारे लॉगिन करा – तुमचा १२ अंकी आधार क्रमांक आणि कॅप्चा कोड टाका. “Login with OTP” वर क्लिक करा आणि नोंदणीकृत मोबाईल नंबरवर आलेला OTP टाका.
३. ऑथेंटिकेशन हिस्ट्री तपासा – “Authentication History” वर क्लिक करून आवश्यक तारखा निवडा आणि त्या कालावधीत आधारचा वापर कसा झाला ते पाहा.
४. संशयास्पद व्यवहार ओळखा – जर काही अपरिचित किंवा अनधिकृत व्यवहार दिसले तर तातडीने UIDAI ला तक्रार करा.

आधारचा अनधिकृत वापर आढळल्यास काय कराल?

जर तुम्हाला आधारचा संशयास्पद वापर झाल्याची शंका वाटत असेल, तर त्वरित खालील पद्धतीने तक्रार करा –

• UIDAI टोल-फ्री क्रमांकावर कॉल करा – 1947 वर संपर्क साधा.
• ई-मेलद्वारे तक्रार करा – तुमची तक्रार [email protected] या ई-मेल आयडीवर पाठवा.

बायोमेट्रिक्स लॉक करण्याचे फायदे

आधार बायोमेट्रिक्स (फिंगरप्रिंट आणि आयरिस स्कॅन) सुरक्षित ठेवण्यासाठी UIDAI एक महत्वपूर्ण सुविधा देते – Biometric Lock.

बायोमेट्रिक्स लॉक कसे करावे?

१. UIDAI च्या अधिकृत वेबसाइटला भेट द्या आणि “Lock/Unlock Biometrics” पर्याय निवडा.
2. व्हर्च्युअल आयडी (VID) किंवा आधार क्रमांक टाका, कॅप्चा कोड भरा.
3. OTP द्वारा प्रमाणीकरण करा आणि “Send OTP” क्लिक करा.
4. बायोमेट्रिक्स लॉक करा – यामुळे कोणीही तुमच्या परवानगीशिवाय आधारचा गैरवापर करू शकणार नाही.

आधार सुरक्षित ठेवण्यासाठी महत्त्वाच्या टिप्स

आधार सुरक्षित ठेवण्यासाठी खालील गोष्टींची काळजी घ्या –

• आधार क्रमांक कोणासोबतही शेअर करू नका.
• फसवणुकीच्या कॉल किंवा मेसेजला प्रतिसाद देऊ नका. UIDAI कधीही तुमची गोपनीय माहिती विचारत नाही.
• बायोमेट्रिक्स आणि OTP कोणासोबतही शेअर करू नका.
• नियमितपणे आधारचा इतिहास तपासा.
• जर १० वर्षांहून अधिक काळ आधार अपडेट केला नसेल, तर तो त्वरित अपडेट करा.

Aadhar card safety

आधार कार्ड हा आपला महत्त्वाचा दस्तऐवज आहे. त्यामुळे त्याचा सुरक्षित वापर करणे आवश्यक आहे. UIDAI च्या सुविधा वापरून आधारचा गैरवापर टाळा, बायोमेट्रिक्स लॉक करा, आणि वेळोवेळी आधार व्यवहार तपासा. यामुळे तुमचं आधार सुरक्षित राहील आणि फसवणुकीचा धोका टाळता येईल.