PAN कार्ड आणि आधार कार्ड लिंक करणे आता अधिक सोपे आणि सुलभ झाले आहे. नवीन नियमांनुसार, पॅन कार्ड साठी अर्ज करताना आधार कार्डाचा तपशील देणे आवश्यक आहे. इंटरनेट नसल्यास किंवा इंटरनेट वापरण्याची सुविधा नसल्यासही, आता तुम्ही तुमच्या मोबाईलद्वारे SMS पाठवून आधार आणि पॅन कार्ड सहजपणे लिंक करू शकता.
आधार आणि पॅन कार्ड लिंक का करावे?
आधार आणि PAN कार्ड लिंक करणे ही एक अत्यावश्यक प्रक्रिया आहे जी भारतातील प्रत्येक करदात्यासाठी बंधनकारक बनली आहे. हे लिंक करण्यामागील प्रमुख कारण म्हणजे करचोरी रोखणे. सरकारला एका व्यक्तीचे एकाच पॅन कार्डद्वारे ओळख करता येते ज्यामुळे अनेक पॅन कार्डांचा वापर करणे अवघड होते. यामुळे करप्रणाली अधिक पारदर्शक बनते आणि कर चुकवेगिरीला आळा घालता येतो.
शिवाय अनेक सरकारी योजनांचा लाभ घेण्यासाठी पॅन आणि आधार लिंक असणे आवश्यक आहे. बँकेत खाते उघडणे वित्तीय गुंतवणूक करणे इत्यादी महत्त्वाच्या आर्थिक व्यवहारांसाठीही पॅन-आधार लिंकिंगची आवश्यकता असते. त्यामुळे एका व्यक्तीचे एकच पॅन कार्ड आहे हे सुनिश्चित होते.
SMS द्वारे पॅन आणि आधार लिंक कसे करावे?
आधार कार्ड ला pan कार्ड link करण्यासाठीं तुमच्या मोबाईलवरून खालीलप्रमाणे एसएमएस पाठवा
- तुमचा मोबाईल घ्या आणि 567678 किंवा 56161 या पैकी कोणत्याही नंबरवर SMS पाठवा.
- एसएमएस फॉरमॅट–
UIDPAN <तुमचा 12-अंकी आधार क्रमांक> <तुमचा 10-अंकी पॅन क्रमांक>
उदाहरणार्थUIDPAN 987654321012 ABCDE1234 - यानंतर Send बटण दाबा.
लिंकिंगची स्थिती कशी तपासाल?
आधार आणि Pan कार्ड लिंक झाले की नाही हे तपासण्यासाठी, तुम्ही आयकर विभागाच्या ई-फायलिंग वेबसाइटवर (www.incometaxindiaefiling.gov.in) भेट देऊ शकता. जर तुम्ही आधीच कर विवरणपत्र भरले असेल तर तुमचे पॅन आणि आधार आधीच लिंक झालेले असण्याची शक्यता आहे. अन्यथा वरील सोप्या पद्धतीने SMS द्वारे ते लिंक करणे शक्य आहे.
आताच करा लिंक
आधार आणि पॅन कार्ड लिंक करणे हे आता अधिक सोपे आणि गरजेचे सुद्धा आहे. यामुळे तुम्ही विविध सरकारी योजनांचा लाभ घेऊ शकता, तसेच करप्रणाली अधिक पारदर्शक होईल. जर तुम्ही अजूनही हे लिंक केले नसेल तर आजच अगदी सोप्या पद्धतीने ही प्रक्रिया पूर्ण करा.
