फक्त ₹10,000 मासिक SIP आणि 20 वर्षात मोठी संपत्ती! तुमच्या गुंतवणुकीचा संभाव्य परतावा किती? संपूर्ण हिशोब पहा.

अनेक लोकांना स्मार्ट गुंतवणूकदार व्हायचे असते पण बऱ्याच लोकांना कुठे गुंतवणूक करावी आणि कशी गुंतवणूक करावी हे माहित नसते जेणेकरून ते दीर्घकालीन कोट्यवधी रुपयांचे मालक बनू शकतील. यासाठी तुम्हाला लहान वयातच गुंतवणूक करावी लागेल. जेणेकरून तुम्ही वयाच्या ४० ते ४५ व्या वर्षी स्वतःचा काही व्यवसाय सुरू करू शकाल किंवा त्या पैशाने तुमच्या मुलांचे जीवन सुधारू शकाल. अशा परिस्थितीत एसआयपीमध्ये गुंतवणूक करणे आवश्यक आहे. याच्या मदतीने तुम्ही वयाच्या २० व्या वर्षी करोडो रुपये कमवू शकता.

या प्रकरणातील तज्ज्ञांचे म्हणणे आहे की पीपीएफ, एफडी किंवा इतर गुंतवणूक योजना २० वर्षांत कोट्यवधी रुपयांचा निधी गोळा करू शकत नाहीत. यासाठी तुम्हाला हुशारपेक्षा हुशार बनण्याची गरज आहे. जर तुम्ही दीर्घकालीन SIP द्वारे नियमितपणे गुंतवणूक केली तर तुम्ही तुमचे ध्येय साध्य करू शकता.

SIP प्रक्रिया कशी कार्य करते

म्युच्युअल फंड निवड: गुंतवणूकदार त्यांची आर्थिक उद्दिष्टे, जोखीम घेण्याची क्षमता आणि गुंतवणुकीच्या क्षितिजावर आधारित योग्य म्युच्युअल फंड योजना निवडतात. यासाठी गुंतवणूकदाराचे वय त्याची आर्थिक परिस्थिती आणि त्याची उद्दिष्टे या सर्वांचा विचार केला जातो तरुण गुंतवणूकदारांसाठी अधिक जोखमीचे सोबतच अधिक रिटर्न देणारे फंड निवडण्याकडे कल असतो याउलट ज्यांचे वय जास्त आहे आशा गुंतवणूकदारांसाठीकमी जोखमीचे फंड निवडण्याकडे कल असतो सहाजिकच रिटर्न्स ची अपेक्षा ही त्यामानाने कमी पकडली जाते.

बाजारातील चढउतार: SIP गुंतवणुकी दीर्घ कालावधीसाठी असल्याने, गुंतवणूकदारांना रुपया-खर्च सरासरीचा फायदा होतो. याचा अर्थ ते किंमती कमी असताना ( शेअर मार्केटमध्ये जेव्हा घसरण होते) तेव्हा अधिक युनिट्स आणि किमती जास्त असताना( शेअर मार्केट जेव्हा तेजीत असते) कमी युनिट्स खरेदी करतात, ज्यामुळे बाजारातील अस्थिरतेचा प्रभाव कमी होतो.

चक्रवाढ प्रभाव: जसजशी गुंतवणूक कालांतराने वाढते, त्यातून मिळणारा नफा पुन्हा त्यातच गुंतवला जातो, ज्यामुळे चक्रवाढ परिणाम होतो. यालाच आर्थिक जगात मॅजिक ऑफ कंपाऊंड हे म्हटले जाते.

SIP चे फायदे

एसआयपी बाजारावर सतत देखरेख किंवा वेळेची आवश्यकता न ठेवता नियमित गुंतवणूकीची खात्री करून गुंतवणुकीत शिस्त लावते.

SIP गुंतवणुकीच्या रकमेच्या बाबतीत लवचिकता प्रदान करतात, तुम्ही अगदी पाचशे रुपयांपासून याच गुंतवणूक करू शकतात ज्यामुळे गुंतवणूकदारांना लहान रकमेपासून सुरुवात करता येते.

SIP गुंतवणूक गुंतवणुकीच्या कालावधीच्या दृष्टीने गुंतवणूकदारांना लवचिकता प्रदान करते. ते त्यांच्या सोयीनुसार गुंतवणूक सुरू किंवा थांबवू शकतात. 

दीर्घ मुदतीसाठी गुंतवणूक करा

एसआयपीच्या माध्यमातून तुम्हाला चांगले पैसे कमवायचे असतील तर तुम्हाला एसआयपीच्या माध्यमातून दीर्घ मुदतीसाठी गुंतवणूक करणे गरजेचे आहे. ही गुंतवणूक 15, 20, 25 वर्षे किंवा यापेक्षा अधिक काळासाठी केल्यास तुम्ही जमा केलेल्या रकमेचे मूल्य अधिक वाढेल. महिन्याला कमी रक्कम गुंतवूनदेखील तुम्ही कोट्यधीश होऊ शकता. पण त्यासाठी तुम्हाला ही गुंतवणूक दीर्घ मुदतीसाठी करावी लागेल.

10,000 ची SIP 20 वर्षानंतर मिळणारा परतावा

गेल्या काही वर्षांमध्ये म्युच्युअल फंड मध्ये गुंतवणूक करणाऱ्या गुंतवणूकदारांना एसआयपीतून जवळपास वार्षिक 12 टक्के दराने परतावा मिळालेला आहे.काही फंडातून गुंतवणूकदारांना 15 टक्के दराने सुद्धा परतावा मिळाला आहे. यामुळे अलीकडे म्युच्युअल फंड मध्ये गुंतवणूक करणाऱ्यांचे प्रमाण वाढले आहे. आता आपण दहा हजार रुपयांची एसआयपी करून कशा पद्धतीने करोडोंचा फंड तयार होऊ शकतो याचे कॅल्क्युलेशन समजून घेऊयात.

दहा हजार रुपयांची एसआयपी केली आणि यावर ऍव्हरेज 12 टक्के दराने परतावा मिळाला तर गुंतवणूकदारांना दहा वर्षांनी 23,23,391 इतके रिटर्न मिळणार आहेत यामध्ये गुंतवणूकदाराची गुंतवणूक ही बारा लाख रुपयांची राहणार आहे आणि उर्वरित रक्कम ही गुंतवणूकदाराला रिटर्न म्हणून मिळणार आहे.तसेच गुंतवणूकदारांनी दहा हजार रुपयांची एसआयपी सुरू केली आणि यावर ऍव्हरेज 12 टक्के दराने परतावा मिळाला तर त्यांना वीस वर्षांनी 99 लाख 91 हजार 479 रुपये मिळणार आहेत. यात गुंतवणूकदाराचे गुंतवणूक फक्त 24 लाखाची राहणार आहे आणि उर्वरित रक्कम त्याला व्याज स्वरूपात रिटर्न मिळणार आहे.

एसआयपीवर मजबूत परतावा

शेअर बाजार असो किंवा म्युच्युअल फंड दोघांमधील गुंतवणूक जोखमीच्या अधीन असून परताव्यात चढउतार दिसून येतील म्हणजे तुमचा वास्तविक परतावा कमी किंवा जास्त असू शकतो. पण एसआयपीने यापूर्वी गुंतवणूकदारांना १० ते १५% किंवा त्याहून अधिक परतावा दिला असून अनेक एसआयपींचा परतावा दीर्घकालीन १८ ते २० टक्क्यांपर्यंत जाऊ शकतो.