उत्तर प्रदेशमधील बिजनौरच्या एका छोट्या गावात अलीकडेच घडलेली एक घटना सोशल मीडियावर व्हायरल झाली आहे. एका नाल्यातून प्रवास करत महाकाय मगर गावात शिरली आणि तिने संपूर्ण गावात गोंधळ माजवला. पण या घटनेत सर्वात लक्षवेधी गोष्ट म्हणजे एका धाडसी कुत्र्याचा मगरीशी सामना करण्याचा प्रयत्न.
गावातील लोकांनी मगरीला पाहताच आपापल्या घरी धाव घेतली. पण एक कुत्रा मात्र मगरीच्या विरोधात उभा ठाकला. कुत्र्याने धाडसाने मगरीला पळवण्याचा प्रयत्न केला. पण, मगरीने जबडा उघडताच कुत्रा घाबरला आणि त्याने मागे हटण्याचा प्रयत्न केला. दरम्यान गावकऱ्यांनी वन विभागाला याची माहिती दिली. अधिकाऱ्यांनी तातडीने धाव घेतली आणि मगरीला सुरक्षित ठिकाणी हलवले.
पहा व्हिडिओ
बिजनौर के एक गांव में गलती से मगरमच्छ घुस आया है। जिसे इस कुत्ते ने तंग कर रखा है. आखिरकार वन विभाग की टीम ने मगरमच्छ का रेस्क्यू किया. pic.twitter.com/5NhtWZEmfd
— Priya singh (@priyarajputlive) August 7, 2024
मगर कुठून आली तपास चालू
या घटनेचा व्हिडीओ सध्या इंस्टाग्राम आणि फेसबुक वर मोठ्या प्रमाणात शेअर केला जात आहे. वन विभागाचे अधिकारी अजूनही तपास करत आहेत की, ही मगर कुठून आली आणि ती एकटीच होती की अजून काही मगरी गावात शिरल्या होत्या. २७ हजारांहून अधिक लोकांनी हा व्हिडीओ पाहिला आहे आणि विविध प्रतिक्रियाही दिल्या आहेत.
मुसळधार पावसामुळे नद्यांना पूर आल्यामुळे असे जीव रस्त्यावर दिसण्याच्या घटना वारंवार घडत असतात. काही दिवसांआधी कोल्हापुरातही अशाच प्रकारचा एक व्हिडीओ व्हायरल झाला होता, ज्यामध्ये लोकांनी रस्त्यावर साचलेल्या पाण्यात मोठा मासा पकडल्याचं दिसलं होतं.
ही घटना आपल्याला धाडस आणि धैर्य यांची किंमत समजून देणारी आहे. वन्यजीवांच्या नैसर्गिक अधिवासात मानवी हस्तक्षेपामुळे होणारे परिणाम समजून घेणे आणि त्यावर उपाययोजना करणे अत्यावश्यक आहे.
