मुख्यमंत्री वयोश्री योजना म्हणजे काय?
‘मुख्यमंत्री वयोश्री योजना’ ही राज्य सरकारने ज्येष्ठ नागरिकांसाठी सुरू केलेली एक महत्त्वपूर्ण योजना आहे. या योजनेचा उद्देश ६५ वर्षे आणि त्यावरील ज्येष्ठ नागरिकांना आर्थिक मदत आणि आवश्यक सहाय्यभूत साधने उपलब्ध करून देणे आहे. Mukhyamantri Vayoshri Yojana अंतर्गत ज्येष्ठ नागरिकांना त्यांच्या दैनंदिन जीवनातील गरजांसाठी उपकरणे पुरवली जातात, जे त्यांच्या शारीरिक आणि मानसिक स्वास्थ्याला मदत करतात.
योजनेची पात्रता
Mukhyamantri Vayoshri Yojana अंतर्गत लाभ घेण्यासाठी अर्जदार हा राज्यातील ज्येष्ठ नागरिक असणे आवश्यक आहे. यासाठी खालील पात्रता आवश्यक आहे:
- अर्जदाराचे वय किमान ६५ वर्षे असावे.
- अर्जदाराचे कौंटुंबिक वार्षिक उत्पन्न रूपये २ लाखांच्या आत असावे.
- अर्जदाराने मागील ३ वर्षांत कोणत्याही सरकारी स्त्रोतांकडून विनामूल्य उपकरणे प्राप्त केलेली नसावीत.
- अर्जदाराने उत्पन्नाची आणि विनामूल्य उपकरणे न मिळाल्याची स्वयंघोषणा सादर करणे आवश्यक आहे.
योजनेचा उद्देश
मुख्यमंत्री वयोश्री योजनेचा मुख्य उद्देश ज्येष्ठ नागरिकांना त्यांचं जीवन सुलभ आणि सहज करण्यासाठी सहाय्य करणे आहे. वयोमानानुसार होणारे अपंगत्व, अशक्तपणा यावर उपाय म्हणून त्यांना सहाय्यभूत साधनं उपलब्ध करून दिली जातात. या योजनेत लाभार्थ्यांच्या खात्यात ३००० रुपयांची रक्कम जमा केली जाते. यामध्ये चष्मा, श्रवणयंत्र, व्हील चेअर, फोल्डिंग वॉकर, कंबर बेल्ट इत्यादी उपकरणांचा समावेश आहे, जे त्यांच्या दैनंदिन जीवनात मदत करतात.
अर्ज करण्यासाठी आवश्यक कागदपत्रे
How to apply for Mukhyamantri Vayoshri Yojana? या योजनेचा लाभ घेण्यासाठी काही कागदपत्रांची आवश्यकता असते. अर्ज करताना खालील कागदपत्रं सादर करणे आवश्यक आहे:
- आधार कार्ड – ज्येष्ठ नागरिकांची ओळख सत्यापित करण्यासाठी.
- मतदान ओळखपत्र – अधिकृत ओळखपत्र म्हणून.
- राष्ट्रीयकृत बँकेचे पासबुक झेरॉक्स – ज्यामध्ये लाभाची रक्कम जमा केली जाईल.
- पासपोर्ट आकाराचे दोन फोटो – अर्जासोबत संलग्न करण्यासाठी.
- स्वयंघोषणापत्र – उत्पन्नाचे आणि पूर्वी विनामूल्य उपकरणे न मिळाल्याचे.
- ईतर शासनाने ओळखपत्र पटविण्यासाठी विहीत केलेली कागदपत्रे.
योजनेअंतर्गत मिळणारी उपकरणे
मुख्यमंत्री वयोश्री योजनेअंतर्गत ज्येष्ठ नागरिकांना त्यांच्या गरजांनुसार विविध सहाय्यभूत साधने दिली जातात. त्यामध्ये पुढील उपकरणांचा समावेश आहे:
- चष्मा
- श्रवणयंत्र (Hearing aid)
- ट्रायपॉड (Tripod)
- स्टिक (Walking stick)
- व्हील चेअर (Wheelchair)
- फोल्डिंग वॉकर (Folding walker)
- कमोड खुर्ची (Commode chair)
- नि-ब्रेस (Knee brace)
- कंबर बेल्ट (Lumbar belt)
- सर्वाइकल कॉलर (Cervical collar)
अर्ज कसा करावा?
How to apply for Mukhyamantri Vayoshri Yojana हा प्रश्न विचारत असाल तर सध्या योजनेसाठी शासन स्तरावरून ऑनलाइन पोर्टल सुरू करण्याचे प्रयत्न सुरू आहेत. तत्पूर्वी, इच्छुक ज्येष्ठ नागरिकांनी आवश्यक कागदपत्रे पूर्ण करून आपला अर्ज समाज कल्याण विभागाच्या सहाय्यक आयुक्त कार्यालयात जमा करावा.
राज्य शासनाकडून अर्ज स्वीकारण्याची प्रक्रिया सुलभ करण्यासाठी विविध केंद्रे स्थापन केली जात आहेत. अर्ज करताना आवश्यक सर्व कागदपत्रांची छाननी केली जाईल आणि पात्र लाभार्थ्यांना योजनेचा लाभ दिला जाईल.
योजनेचे महत्त्व
Mukhyamantri Vayoshri Yojana ही योजना ज्येष्ठ नागरिकांना आर्थिकदृष्ट्या स्वावलंबी बनवण्यास मदत करते. या योजनेच्या माध्यमातून ज्येष्ठ नागरिकांना त्यांच्या दैनंदिन जीवनात आवश्यक उपकरणे मिळतात, ज्यामुळे त्यांचे जीवन अधिक सुलभ होते. अपंगत्व किंवा अशक्तपणामुळे होणाऱ्या अडचणींवर मात करण्यासाठी ही योजना अत्यंत उपयुक्त आहे.
योजनेद्वारे मिळणारी मदत फक्त आर्थिक नसून ती शारीरिक आणि मानसिक स्वास्थ्याच्या दृष्टीने महत्त्वाची आहे.
